Gintugyan naton subong sa ginatos ka indigent senior citizens ang ila pension halin sa syudad. Kabahin ini sa Localized Pension Program sang City Government agud bisan paano makabulig kita pamag-an sa kabudlay nga ginaantos sang mga mas nagakinahanglan nga katigulangan nga wala gid sang bisan ano nga pension.
Kadungan sini nalipay man ako nga bangud sa aton pagpursige, amat-amat na nga nadugangan ang numero sang DSWD Social Pensioners naton. Subong nga adlaw may masobra 300 naman ka Senior Citizens nga first time nakabaton sang Social Pension.
Padayon kita nga magakoordinar sa DSWD agud madugangan pa gid ini bangud madamo pa sang mga katigulangan sa Roxas City ang mas nagakinahanglan sini nga bulig. Indi kami mag-untat sa pagpangita paagi agud mabuligan sila.
-MAYOR RONNIE DADIVAS