Ang Roxas City amo ang labing-una nga syudad sa Pilipinas nga hatagan sang pondo sang DepEd para sa konstruksyon kag rehabilitasyon sang mga classrooms.
Amo ini ang resulta sang akon pagpakigdayalogo kay DepEd Secretary Sonny Angara sang nagligad nga semana kon sa diin ginkuha ko ang opurtunidad nga mapaabot sa iya personal ang aton mga request kag kinahanglanon para sa pagpakaayo sang mga eskwelahan sa Roxas City.
Kaina, gin-identify na namon sang pamunuan sang DepEd Roxas City Division ang line-up sang mga eskwelahan nga iga-prayoridad nga patindugan sang bag-o nga classrooms subongman mga classrooms nga samad kag kinahanglan na ipakay-o.
-MAYOR RONNIE DADIVAS