Isa lang gid ka adlaw pagkatapos nga masaylo sa ila bag-o nga puluy-an ang mga nasunugan sa Barangay 8, isa man ka sunog ang natabo sa amon man gihapon nga barangay-didto naman sa Sitio Avenue Mart, Brgy. 8.
11 ka puluy-an ang natupok sang sunog kaina aga. Bangud sa madasig nga pag-ibwal sang kalayo, ubos gid ang pagkabutang sang madamo nga pamilya.
Kinahanglan nila ang bulig, gani gilayon kita nagresponde upod ang DSWD, CSWD, CDRRMO kag Barangay Officials. Ginpaabot naton ang inisyal nga bulig pinansyal sang syudad kag immediate assistance sang DSWD nga ginlakipan sang Family Food Packs, Sleeping Kits, Hygiene Kits, kag Kitchen Kits. Bisan sa amo lang anay sini nga pamaagi, mapahagan-hagan naton ang kasubo kag kabug-at sang problema nga ila ginapas-an. Madamo pa sang kinahanglan himuon asta malampuwasan nila ini nga pagtilaw.