Subong nga hapon ginpatigayon ang Coordination Meeting sa tunga sang Roxas City LGU upod ang aton City Engineers Office, PESO, DPWH kag DOLE agud preparahan ang implementasyon sang Oplan Kontra Baha sang gobierno nasyunal.
Kalakip sa ginhinalaan ang responsibilidad sang tagsa ka ahensya sa pagpatuman sang programa nga nagatuyo mapahagan-hagan ang epekto sang baha sa syudad. Mangin katuwang sa pagtrabaho ang mga DOLE TUPAD Beneficiaries sa Roxas City nga amo ang responsabli sa pagpanghawan sa mga waterways ukon creek.