Mga kasimanwa, may Good News naman ako sa inyo. Pagkatapos sang maid-id nga pagplano kag pagpakighinun-anon naton sa Philippine Fisheries Development Authority matuman na ang aton handum nga redevelopment sang aton Libas Fishing Port. Madali na lang umpisahan ang rehabilitasyon sang fishing port.
Sang nagligad nga adlaw nagkadto na diri kag nagpatigayon sang onsite inspection ang mga katapo sang PFDA kag ginpresentar ang detalyado nga plano sa redevelopment. Indi lang ini basta rehabilitasyon bangud kabahin sa redevelopment ang pag-angkon sang port sang cold storage, warehouse kag iban pa nga pasilidad nga magapaayo sa operasyon.
-MAYOR RONNIE DADIVAS
