Gin-updan naton ang PhilHealth sa pagpatigayon sang PhilHealth Service Delivery Caravan kag Yaman ng Kalusugan Program (YAKAP) Orientation sa Barangay Dumolog subong nga adlaw.
Isa ini ka partnership nga programa para sa ikaayong-lawas kon sa diin naka-avail sang libre nga serbisyo ang linibo ka taga-Dumolog kag kalapit nga barangay pareho sang libre nga medical check-up, libre nga bulong, bunot sang ngipon kag X-Ray paagi sa City Health Office.
Ang mga benepesaryo ginpaidalum man sa PhilHealth Profiling. Naghatag man sang onsite nga serbisyo ang CSWD para sa aplikasyon sa Senior Citizens ID kag Localized Social Penson, Civil Registrar para sa mga concern sa Live Birth Registration, CENOMAR kag iban pa samtang ang City Agricultures Office nagpatigayon sang Fisherfolks Registration kag RSBSA.
Ini kabahin sa aton pagtinguha nga direkta nga mapaabot sa pumoluyo sa kabarangayan ang serbisyo sang gobierno.