Ginakalipay ko ang positibo nga sabat ni PPA General Manager Atty. Jay Daniel Santiago sa aton hingyu nga i-prayoridad ang dredging ukon pag-akad sa Culasi Port sa labing-madali nga panahon bangud sa naganabaw nga entrada sang port tuga sang pagbun-od sang lapok. Kinahanglan ini para sa proteksyon sang mga sakayan, tripulante kag cargo kay ang limitado nga espasyo nagabutang peligro sa pagmaniobra sang mga nagadungka kag daku nga risgo sa groundings kag maritime safety sa pantalan nga sentro sang komersyo sa Roxas City kag Capiz.
Ginapasalig sang PPA nga ilakip ang dredging sa ila prayoridad nga proyekto. Kon available ang pondo ipatuman ini antes magtakup ang tuig 2025 ukon iprograma sa 2026.
Magapadala na sila sang Survey Team para sa Topo-Hydrographic Survey sa port nga magadeterminar sang limit sa dredging area, aktwal nga volume sang kinahanglan akaron kag kumposisyon sang lapok.
-MAYOR RONNIE DADIVAS