Duha ka Roxasnon ang nagdaug sa 75th Don Carlos Palanca Memorial Awards for Literature subong nga tuig.
Si REX MENARD CERVALES nga nagdaug sang 2nd Place sa Hiligaynon Short Story Category kag ang Tourism Officer sang Roxas City nga si Bryan Mari Argos nga nagdaug sang 3rd place sa English Short Story for Children Category.
Kauna-unahan ini nga Palanca Award ni Mr. Cervales kag pangatlo ni Mr. Argos nga labing una man nga kahigayunan nga nagdaug sa kategorya niya sa subong nga tuig.
Gina-saulog subong nga tuig ang 75th Diamond Jubilee Anniversary edition sang Palanca Awards kag paga-pasidunggan si Cervales kag si Argos sa pagahiwaton nga awarding ceremony sa Manila Polo Club, Forbes Park, Makati City sa palaabuton nga November 26, 2025.
Pagtamyaw gid sa aton mga kasimanwa, Mr. Rex Menard Cervales kag Mr. Bryan Mari Argos!