Temprano nga pamaskwa kag paghatag kasadya sa mga Senior Citizens sang Roxas City nga naglab-ot na sa 80 anyos pataas ang edad.
Sa idalum sang REPUBLIC ACT (R.A.) NO. 11982: Expanded Centenarians Act Benefit Program for Octogenarians, Nonagenarians and Centenarians sa mga kwalipikado nga Senior Citizens, may 69 tanan ka Lolo kag Lola nga nakabaton sang insentibo. Ang 53 ka Octogenarians, 15 ka Nonagenarians nahatagan sang tig-₱10,000 nga Cash Gift.
Ginakalipay gid naton nga may isa naman kita ka Centenarian sa Roxas City. Siya si Lola Aurora Cabanus sang Barangay San Jose nga nagaedad na sang 110 anyos. Bilang pagkilala, gintugyan sang National Government kay Lola Aurora paaagi sa iya bata ang ₱100,000 nga Cash Gift kag Sertipiko.
Handum naton nga mas madamo pa gid nga katigulangan ang makabaton sini nga insentibo, maglawig ang kabuhi, malayo sa sakit kag magpabilin nga mabaskug ang panglawason.