Nagsugod na ang Department of Public Works and Highways (DPWH) sa RETROFITTING/REHABILITATION Works para makay-o ang 125 anyos na nga Capiz/Roxas City Bridge.
Ini nga proyekto ginhingyu naton sa national government bangud nakita naton ang mga depekto sa tulay nga tuga sang katigulangon na sang istraktura.
Ginpainan ini sang ₱16.8 Million nga pondo kag pagatrabahuon sang DPWH. Kabahin sa proyekto ang pagsigurado sa structural integrity/kapag-on sang tulay, pagpatigayon sang reinforcement sa idalum nga porsyon labi na sa mga nagaguluwa nga kabilya. Apisar nga may repairs nga patigayunon, aton sa gihapon siguraduhon nga wala sang may mabandog labi na ang mga balustre kabahin sa pagpreserbar naton sa historical value sang century old bridge.