Ang Roxas City pinaagi sa DepED Schools Division of Roxas ang host subong nga tuig sang Regional Workshop kag Library Hubs Learning Resource Expo 2025 sa Robinsons Roxas.
Ginpangunahan ni OIC-Assistant Regional Director Dr. Miguel Mac Aposin ang pornal nga pagbukas sang Learning Resource Expo sa diin ginpasundayag ang mga nagkalain-lain nga mga learning materials nga himo sang mga manunudlo.
Magluwas sa exhibit, may ara man sang workshop para sa pagplastar sang insakto nga mga supplementary learning resources para sa mga pampubliko nga mga eskwelahan.
Si City Councilor Paul Ivan Baticados kaupod si Dr. Bryan Mari Argos ang nagtiglawas kay Mayor Ronnie Dadivas sa nasambit nga hilikuton.
