Ang Roxas City Government nakabaton sang nagkatuhay nga pasidungog halin sa Department of Social Welfare and Development bilang OUTSTANDING LOCAL GOVERNMENT IMPLEMENTER sa ginpatigayon nga 14th Cycle Supplementary Feeding Program Year-End Implementation Review cum Skills Enhancement for LGU Partners sa Iloilo City.
Kadungan sini nakabaton man kita sang rekognisyon sa outstanding achievement sang aton syudad sa pag-improve sang Nutritional Status sang aton target beneficiaries sa feeding program kag outstanding nga inisyatibo kag commitment sa pagduso sang nutrisyon sang kabataan kag kumunidad pinaagi sa Busog Lusog Talino (BLT) Kitchen.
Ini indi lang basta pagkilala, pamatuod ini sang pagtinguha kag dedikasyon sang gobierno sang syudad agud masigurado ang maayo nga nutrisyon kag ikaayong-lawas sang kabataan nga Roxasnon.