Nagpatigayon kita sang Coordination Meeting sang Roxas City El Niño Task Force agud mapabakud kag mapasangkad ang koordinasyon kag preparasyon sang syudad sa posible nga epekto sang El Niño sa pumoluyo, sa pangabuy-anan, edukasyon, ikaayong-lawas kag iban pa.

Gintalakay sa meeting ang masunod:

  1. Detailed Implementation Plan sang tagsa ka response cluster. Ini basehan sa pagplano sang mga aktibidad kag estratehiya nga mahimo i-integrate sa contingency plan.
  2. Epekto sang El Niño sa suplay sang tubig, sektor sang agrikultura pati na pangisdaan.
  3. Tikang agud mapahagan-hagan ang risgo sa pumoluyo kag proteksyon sa pangabuy-an sang mangunguma.

Paagi sa kumprehensibo, temprano nga pagplano kag pagbinuligay sang nagkalain-lain nga sektor, ginapabakod sang Roxas City Government ang kahandaan sang syudad sa pag-atubang sang mga posible nga halit nga dala sang El Niño.

Leave a Reply

Your email address will not be published. Required fields are marked *