Ang Philippine Academy of Rehabilitation Medicine nagpili sa Roxas City bilang host sang ila 27th Midyear Convention sa maabot nga Agosto 6-10, 2025.
Ini ang ginkumpirmar nanday Dr. Rhoel James Timothy Dejano, Overall Chair sang 27th Midyear Convention, kag Dr. Michelle Almeida, Presidente sang Philippine Academy of Rehabilitation Medicine sa ila ginpatigayon nga courtesy call. Ginrepresentar ni Dr. Faye Besana kag City Tourism Officer Bryan Argos si Mayor Ronnie Dadivas sa nasambit nga courtesy call.
Ginalauman nga ang convention mangin daku man nga opurtunidad agud mas mapromote ang turismo sang syudad kag ipabutyag sa mga bisita ang katahum, kultura, kag pagkamaabi-abihon sang Roxasnon.