Denpasar, Indonesia – Gin-deklarar nga Category Winner ang Roxas City sa tuman ka kompetitibo nga 4th SDG Cities Awards. Masobra 100 ka entries halin sa 51 ka mga pungsod sa bug-os nga Asia-Pacific ang nagpapili sa sini nga kompetisyon.
Ini nga pasidungog gin-organisa sang CityNet, isa ka network sang mga pungsod sa Asia-Pacific para sa Sustainable Urban Development. Kaupod sang Roxas City bilang category winners gikan sa Pilipinas amo ang Muntinlupa City, kag ang Quezon City nga nangin isa man sa top-three sa mga category winners.