Ginpasidunggan sa Diamond Jubilee Celebration sang Don Carlos Palanca Memorial Awards for Literature, si Rex Menard Cervales para sa Hiligyanon Short Story (2nd Place) kag ang Tourism Officer sang siyudad nga si Bryan Mari Argos sa English Short Story for Children (3rd Place) para sa ila nga mga panulatan. ‘Binakol’ ang tigulo sang sugilanon ni Cervales kag ‘Kapid’ ang kay Argos nga isa man sa lima ka mga suglinanon nga nangin bahin sang Ilawod Children’s Book Series nga proyekto sang siyudad sa idalum sang Lunsod Lunsad program sang Department of Trade and Industry (DTI) para sa Creative Industries.
Labing una ini nga pagdaug ni Cervales sa nasambit nga kompetisyon nga ginatawag mga Pulitzer Prize sang Pungsod Pilipinas. Nag-abot pa si Cervales gikan sa Thailand agud makigbahin sa awards night. Isa ka full scholar si Cervales sang DOST-PCHRD, sa kurso nga Master of Science in Tropical Medicine sa Mahidol University. Residente siya sang Brgy. Lawaan Roxas City samtang si Argos residente man sang Poblacion 3 sang aton syudad. Pangatlo na ini nga pagdaug ni Argos sa Palanca kag labing una nga pagdaug niya sa kategorya sang English Short Story for Children.
Ginhiwat ang awards night sang November 26, 2025 sa Manila Polo Club, Forbes Park, Makati City.
Bugal gid naton ang aton mga kasimanwa nga ginkilala sa Palanca Awards nga nagapakita sang masangkad nga pag-ugsad sang literatura diri sa aton siyudad.