Ang aton mga Senior Citizens mga nanay kag tatay nga nag-atipan sa aton. Ginhimu nila ang tanan para mahatagan sang maayo nga kahimtangan kag bwas damlag ang ila kabataan. Himuon ta man ang aton masarangan agud makabulig pamag-an sa ila pangabuhi.
Subong nga adlaw gin-umpisahan sang DSWD ang paghatag sang Social Pension sa 3,313 ka indigent senior citizens sang Roxas City para sa 3rd Quarter sang tuig.
Nalipay ako makita ang ila kasadya kag excitement sa pagkuha sang pensyon. Padayon ang pagtrabaho naton agud makabaton man ang madamo pa nga seniors nga mas nagakinahanglan. May localized social pension na kita, tinguhaon ta pa gid nga mas madamo ang mabuligan.
-MAYOR RONNIE DADIVAS