21 ka benepesaryo sa Roxas City ang nakabaton sang livelihood assistance halin sa DSWD sa idalum sang Sustainable Livelihood Program.
Upod si Ms. Sharah Dejapa, PDO II sang DSWD gintugyan sa 10 ka benepesaryo ang tig-₱15,000 nga bulig pinansyal kag 11 naman ang nakabaton sang tig-₱20,000 nga Livelihood Assistance. Ang mga benepesaryo ginlakipan sang pila ka food vendors, magagmay nga sari-sari store owner, sapatero, manugbaligya sang utanon kag iban pa.
Ako nagapasalamat gid DSWD sa paghatag opurtunidad sa aton mga nagakinahanglan nga kasimanwa nga makaangkon sang pangabuy-anan. Nagalaum ako nga ila ini halungan agud mapaayo ang istado sang ila pangabuhi.