Bangud sa tuman ka damo sang basura nga ginaula kada adlaw sa Sanitary Landfill ginalantaw naton nga indi magdugay mapuno naman ang Cell 2. Agud maglawig pa ang kabuhi kag pag-usar sang SLF, kinahanglan mag-adoptar na kita sang bag-o nga teknolohiya.
Nagpatigayon kami sang onsite inspection sa lugar nga plano naton patindugan sang Technology-Based Treatment Facility nga magapatigayon sang Pyrolysis-Gasification System, isa ka moderno kag eco-friendly nga paagi sa pagproseso sang mga basura pinaagi sa pagsunog ukon paggamit sang init sa kontrolado nga palibot.
Ginpresentar sa amon ang perspective plan sang Phase 1 sini nga proyekto. Excited na ako nga mapakigbahin sa inyo ang pag-umpisa sang implementasyon.
-MAYOR RONNIE DADIVAS