Bangud sa aton pag-establisar sang Roxas City Digital Innovation Hub ginhatagan kita sang TESDA sang Program Recognition for Micro-Credential Course. Ini personal nga gin-award sa aton ni TESDA Director General Secretary Kiko Benitez kaina.
May ara na kita sang otoridad halin sa TESDA nga opisyal nga magtanyag sang Micro-Credential Course para sa Inbound and Outbound Costumer Services nga makabulig indi lang sa employment kundi proteksyon man sa BPO Industry.
Pinaagi sini, maka-offer na kita sang short-term, specialized kag industry-aligned courses nga makahatag sang oportunidad sa pagtrabaho nga indi na kinahanglan pa nga mag-enroll sa mga full NC Courses.
“It’s a good news that the city of Roxas itself is leading the way to ensure greater resilience in the BPO Industry through the offering of this Micro-Credential,” Sec. Kiko.
Ako nagapasalamat sini nga opurtunidad kag pagkilala sa inisyatibo sang Roxas City LGU. Tinguhaan naton sa bulig sang TESDA nga madamo pa nga Roxasnon ang mahatagan sang TESDA scholarship para makapaidalum sa training/upskilling kag iban pa nga Technical Courses nga nagbukas sang madamo nga opurtunidad sa maayo nga trabaho, daku nga kita para sa masanag nga bwas-damlag.
-MAYOR RONNIE DADIVAS
