Importante ang kaluwasan sang pamilya. Nagbisita man kami sa evacuation center sang Cagay. Amat-amat naman nagadamo ang evacuees nga ginaasikaso sang aton mga barangay officials. Dala man naton ang mga Family Food Packs sa pamilya nga nag-evacuate agud nga may dugang nga kaunon sila bisan wala sila sa ila puluy-an.
Gab-i na kag nagabalik-balik ang pagbubo sang mabaskog nga ulan. Diri sa San Jose mas nagadamo pa ang pamilya nga nagakadto sa evacuation centers para masigurado ang ila kaluwasan sa baha kag bagyo. Dala naton sa pagkadto kag pagkumusta sa ila ang mga DSWD Family Food Packs agud indi na sila magkabalaka sa ila kalan-on.
Puno na ang evacuess sa evacuation center sang Jumaguicjic. Maayo gid ini kay pinakaimportante sa tanan indi mapabay-an ang kaluwasan sang kabuhi sang kada pamilya. Napangitaan naman paagi sang barangay nga sila tanan maakomodar. Gindul-ong naman naton sa mga evacuees ang DSWD Family Food Packs agud bisan may kalamidad may pagkaon ang pamilya.