May mga evacuees na kita sa Adlawan. Naka-preposisyon naman ang family food packs para sa pamilya nga ara sa evacuation center. Naka-standby naman didto ang aton emergency responders.
Samtang may tiyempo pa ginkadtuan ta gid ang Tiza kay isa ini sa mga lugar nga mas ginakahangaw-an naton ang pagtaas sang tubig. Maayo gid nga samtang temprano nagkadto na sa evacuation center ang aton pumoluyo agud indi na mabutang sa peligro ang ila kabuhi. Gintugyan naman naton ang mga family food packs para sa kada pamilya nga nag-evacuate subong.
Ginatos naman ka pamilya ang yara sa evacuation center sang Bolo. Nagapasalamat gid ako sa kooperasyon sang pumoluyo nga nag-evacuate na samtang temprano kay paagi sini nalikaw naton nga mabutang naman sa peligro ang kabuhi sang aton pumoluyo.
Ginbisita naton sila dala man ang mga DSWD Family Food Packs para sa pamilya sang mga evacuees.
Padayon ang aton paglibot sa evacuation centers. Bag-o lang kami halin sa Rufina Andrada sa diin nag-evacuate ang mga taga-Barangay VII kag kalapit nga barangay. Dungan sang aton pagkumusta sang ila sitwasyon gintugyan ta man sa pamilya sang mga evacuees ang family food packs para mapahamtang ang ila buot nga may sigurado gid sila nga pagkaon samtang ara sa evacuation center kag nagabagyo pa.
Gamay lang nga sakripisyo sa evacuation center importante safe ang pamilya. Ginbisitahan man naton ang evacuees sa Punta Tabuc dala ang mga DSWD Family Food Packs.