Ginlantaw ko ang sitwasyon sang akon mga kasimaryo sa Barangay 1 partikular ang ara sa evacuation center antes magpalanasa ang Bagyo Tino para masigurado kon safe na sila.
Ginkumusta ta man ang kondisyon sang mga evacuess naton sa Gabuan. Magluwas sa pagkaon ang sitwasyon sang ikaayong-lawas nila ang aton man hatagan atensyon samtang nagatinir sila sa evacuation centers.
Naglibot kami sa mga kasimaryo man naton nga evacuess sa Milibili para mahibaluan ang ila kinahanglanon samtang nagahulat sang paghura sang bagyo sa evacuation centers. Luwas sa pagkaon isa man sa ginapatutukan naton ang ila ikaayong-lawas bangud indi malayo nga may maglain ang pamatyagan bangud sa tiyempo.
Madamo sang taga-Inzo nga nag-evacuate man halin pa sang nagliligad nga inadlaw kag ginapasalamatan ko gid ang kooperasyon kag pagkaalerto sang tanan sa Bagyo kay nasigurado naton ang kaluwasan sang pumoluyo. Ginbisitahan namon sila subong para mahibaluan ang ila kondisyon kag kon may mga importante pa sila nga kinahanglan samtang nagatiner sa evacuation.