Madamo gid nga salamat DSWD Secretary REX Gatchalian sa madasig nga pagresponde kag bulig sa pumoluyo sang Roxas City nga tuman nga naapektuhan sang baha.
Nagmulumag-an ang aton problema bangud iya ginsigurado nga may direktiba gid si Presidente Bongbong Marcos nga indi kita pagpabay-an sang gobierno nasyunal kag buligan gid ang recovery sang Roxas City.
Iya ginpasalig nga magluwas sa dugang nga family food packs, ila man ginpasugtan ang aton hingyu nga mahatagan sang emergency assistance ang mga nagkalaguba ang puluy-an, linibo ka pamilya nga nabahaan, ang mga ara sa agricultural kag aquaculture sector nga nahalitan gid ang pangabuy-anan kag iban pa nga bulig.
Ginpabutyag man ni Secretary Rex sa aton nga personal niya nga igareport sa Presidente ang iban pa naton nga kinahanglanon halin sa imprastruktura, ikaayong-lawas kag pangabuy-anan.
Kaupod ni Secretary Gatchalian sanday Undersecretary Diana Ross Cajipe, ASEC Irene Dumlao, ARDO Katherine Joy Lamprea kag OIC Regional Director Joselito Estember.