Ginpatigayon na sang DSWD ang pag-release sang Emergency Cash Transfer Assistance sa mga pamilya nga SEVERELY AFFECTED sang pagbaha sa Roxas City nga dala sang Bagyo Ramil.
Una pa lang ini nga batch sang distribusyon sang ECT Assistance sa 2,519 ka apektado nga gin validate sang Barangay kag sang DSWD.
Sila nagbaton sang tig-₱10,010 pesos nga Cash Aid agud magamit sa ila recovery labi na sang mga mangunguma nga gintaup sang baha ang ulumhan kag mga nagkalawasak ang puluy-an.
Sa masunod nga semana patigayunon naman ang paghatag sang Emergency Cash Transfer Assistance sa mga SLIGHTLY AFFECTED families.
Ako nagapasalamat gid kay Presidente Bongbong Marcos kag DSWD Secretary Rex Gatchalian nga ginrepresentar ni OIC Regional Director Joselito Estember sa madasig nga responde kag pagpaabot sang bulig sa aton kasimanwa.
-MAYOR RONNIE DADIVAS
