Ang Roxas City LGU nagapanawagan sang Preemptive Evacuation sa mga residente sa manubo kag baybayon nga lugar (Baybay, Dumolog, Cogon kag Punta Cogon) agud makalikaw sa peligro nga dala sang Bagyo Uwan kag sang pagtaob (high tide). Base sa forecast, alas 12:50 karon sa kaagahon ginalauman ang pagtaas sang tubig sa masobra 2 metros.
Sa tanan nga pamilya nga ang balay malapit sa higad sang baybayon, magbakwit na sa evacuation centers ukon sa mataas kag safe nga lugar. Iprayoridad gid sa pagbakwit samtang temprano ang mga Senior citizens, mga nagabusong, kabataan kag PWD. Magdala lang sang mga importante nga kinahanglan pareho sang pagkaon, bulong, dokumento kag iban pa. Ginapanawagan ang mga barangay opisyales/BDRRM nga mangin alerto kag tatapon ang kaluwasan sang aton pumoluyo.