AgatonPH: 9 Barangays in Roxas City placed under State of Calamity

9 KA BARANGAY NGA TUMAN NGA GINBAHA SA ROXAS CITY GINPAIDALUM SA STATE OF CALAMITY

Sa request ni Roxas City Mayor Ronnie Dadivas ginpasar sang Sangguniang Panlungsod ang resolusyon nga nagadeklarar sa Barangay Adlawan, Bago, Bato, Bolo, Lanot, Liong, Loctugan, Milibili kag San Jose sa idalum sang State of Calamity bangud sa nagluntad nga pagbaha epekto sang bagyo nga Agaton.

Nagserbi nga Presiding Officer sa nasambit nga sesyon si City Councilor GARY POTATO.

Ginpahayag ni Councilor PAUL BATICADOS nga nagduso sang resolusyon nga ang namensyunar nga kabarangayan amo ang pinakagin-igo kag tuman ka dako ang halit nga dala sang pila ka adlaw nga baha.

Pinaagi sa deklarasyon sang State of Calamity nga guinhingyu ni Mayor Ronnie Dadivas ma implementar ang mga polisiya kag tikang agud mahatagan pagtamod ang kinahanglanon sang mga pinaka – apektado nga pumoluyo.

Base sa inisyal nga report, naglab-ot na sa 34,674 ka indibidwal kag 4,367 ka pamilya ang apektado kag may 2 ka nagtaliwan.

Gin-athag naman ni Councilor JP ARCENAS kag TRINA ALMALBIS-IGNACIO nga sa karon, inisyal pa lang ini nga datus bangud nagapadayon pa ang assessment ukon pagtumod sa mga indibidwal, pamilya kag sektor nga mas nahalitan sang baha.

2 Comments

Leave a Reply to Tim Cancel reply

Your email address will not be published. Required fields are marked *