Kaina, gintambongan naton ang ginhiwat nga blessing sang bag-o nga Fire House -Culasi Fire Substation sang BFP.
Ini proyekto sang talatapan ni 1st District Congressman Tawi Billones. Ginapanginbulahan naton ang BFP-Roxas sa pagpanguna ni CINSP Jesus J Valenzuela, Roxas City Fire Marshall sa pagpatikasog nga mahatagan katumanan ini nga proyekto nga kinahanglanon gid sang taga-Culasi nga masami biktima sang sunog. Paagi sini mangin madasig ang pagresponde sang BFP sa tion sang emerhensya.
Kaupod nga nagtambong sa blessing si CSupt Jerry D Candido, Regional Director, BFP 6, 1st District Cong. Emmanuel Tawi Billones, PD Jenny Mae C Masip, Provincial Fire Director kag VM Inday Teresa Almalbis, Councilor Gary Potato kag PLt Col Aaron Palomo. Nagserbi naman nga Officiating Priest si Rev. Fr. Anthony Bautista.
