Pagkatapos sang duha ka tuig nga pagpaiway bangud sa pandemya, nakabalik na gid man ang ginakahidlawan naton nga paindis-indis sang mga atleta sang Capiz.
Sa pagbukas sang Capiz Provincial Meet 2023, nakig-upod ako sa linibo ka atleta, coaches, trainers, Technical Officials kag tanan nga nagabug-os sa DepEd Roxas City Division sa pagpamuno ni Dr. Roel Bermejo, Capiz Division sa pagpamuno ni Dr. Miguel Mac Aposin subongman sa CAPRISA Delegation sa pagpamuno ni CAPRISA President Very Reverend Msgr. Cyril Villareal nga ginrepresentar ni FCU President Dr. George Cortel.
Indi lang ini basta sports competition, opurtunidad ini para mapakita kag mapabakud ang pag-ululupod, pag-abyanay kag sportsmanship sa mga nagapasakup nga atleta.
Kahigayunan ko man ini agud ipabatyag ang suporta sa pag-Abante sang 197 ka atleta kag coaches sang Roxas City Delegation. Handum naton ang ila kadalag-an kag sang tanan nga atleta sang Capiz nga nagbakas sa paghanas agud maangkon ang medalya kag kinamatarong nga I-representar ang ngalan sang aton syudad kag probinsya sa WVRAA Meet.
Upod kami nga nagtambong sa opening nanday Vice Governor James Mitang Magbanua kag Board Member Thea Faith Reyes, SP Chairperson – Committee on Education.
-MAYOR RONNIE DADIVAS
