Ginapaabot ko ang pagpanginbulahan kag pagpasalamat sa organizers sang Gratia Plena (Full of Grace) sa pagpanguna sang Panublion Museum, Ms. Mataji Sharma, local artists, devotees kag contributors nga nagbuligay sa pagpatigayon sang Marian Exhibit dungan sang pagsaulog naton sang kaadlawan sang Mahal nga Birhen Maria. Sa sining simple nga pagdumdom sa iya mapabatyag naton ang pagtuo, pagpasalamat sa iya padayon nga pagpalangga, pag-ubay, paglaum kag pagtandog sa aton kabuhi.
Magluwas sa paintings nga ginpaligbahin sang mga artists, mga Nanay, manunudlo, doktor, professionals kag deboto, makit-an man sa Gratia Plena ang mga ambahanon kag tula nga ginhalad sang mga deboto para sa Mahal nga Birhen.
Nakaupod naton sa opening sang exhibit sanday Fr. MLex Gevero, Vice Mayor Inday Teresa Almalbis, Councillor Dok Pip Acepcion, Former Board Member Ricky Martin nga nagrepresentar kay Governor Fred Castro, DepEd Roxas City Schools Division Superintendent Roel Bermejo kag iban pa.
-MAYOR RONNIE DADIVAS
Viva Sta. Maria! Happy Birthday Mama Mary!