Nagbisita sa aton opisina kaina sanday Office of the Presidential Assistant for the Visayas Assistant Secretary Atty. Mark Peter M. Quilaneta, Spokesperson / Legal Atty. Kaye Almeida – Yap, kaupod ang mga OPAV Staff Ms. Dianne Tan kag Chris Aliman. Sila amo ang nagrepresentar kay USEC Terence Calatrava.
Ginpaabot nila ang tinutuyo ni Presidente Bongbong Marcos nga mapalapit ang gobierno sa tawo diri sa Region VI pinaagi sa OPAV nga magaserbi nga tulay nga magacoordinate sa LGU kag nagkalain-lain nga ahensya para sa madasig nga pagdala sang serbisyo.
Ginkuha ko ini nga kahigayunan agud mapaabot sa ila ang pila ka concerns nga pwede sila makabulig pareho nalang sa aton Food Security Program. Gin- propose man naton nga kun mahimu makapahamtang sila sang One Stop Shop sang mga social services sa Roxas City agud indi na mabudlayan ang pumoluyo nga nagapangayo bulig.
Yara man sa amon paghinun-anon ang mga coordinators sang OPAV sa Negros kag Iloilo sa pagpanguna ni Mr. Mark Tupas upod sanday Mr. Raymond Abelido, Louie Vargas, Brandon Vargas kag iban pa nga kaupdanan diri sa Capiz.
-MAYOR RONNIE DADIVAS
© 2023 All rights reserved