Sa tion sang kalamidad, ang gobierno sang syudad wala nagapabaya kag wala nagauntat magpangita sang paagi agud mabuligan ang nagakinahanglan.
Kaina personal naton nga gintugyan ang mga ayuda nga foodpacks para sa 1,000 ka mga registered fisherfolks/ shellfish growers (manugpanginhas) sa mga coastal barangays sang Roxas City nga apektado sang red tide.
Ini nga ayuda ginhingyu naton sa DSWD agud bisan papaano mapamag-an ang kabudlay sang pangabuhi nga ila ginapas-an bangud sa temporayo nga pagkadula sang ila pangabuy-anan.
“Salamat Mayor Dadivas, nabatyagan guid namon ang imo pag-ulingag sa amon nga mga manugpanghinas sa oras sang kapipit-an. Mabudlay gid ang amon sitwasyon kay wala gid kami panguha tungod sang red tide. Napangamuyo nalang namon nga madula na ini para makapanginhas naman kami,” siling sang taga-Talon.
