Matapos ang ginpatigayon nga Ocular kag Aerial Inspection, isa ka briefing ang ginpatigayon nanday DILG Secretary Benjamin “Benhur” Abalos Jr, DPWH Secretary Manuel Bonoan, DND Senior USEC Jose C. Faustino Jr, USEC Raymundo Ferrer-OCD Administrator kag DSWD USEC Alan Tanjusay agud mahibaluan ang kabug-usan nga assessment sa tuman ka dako nga halit nga natuga sang bagyo nga Paeng sa bug-os nga probinsya sang Capiz.
Kami nga mga alkalde sa probinsya sa pagpanguna ni Governor Fredenil Oto Castro nagaisa sa paghingyu sang bulig sa gobierno nasyunal nga mapatuman na ang Panay River Basin Flood Control Project bangud amo lang gid ini ang mayor nga solusyon sa nagalala nga problema sa pagbinaha sa Roxas City kag Capiz.
Kita nagalaum sa ila positibo nga sabat kag solusyon sa aton problema agud nga sa palaabuton wala na sang pangabuy-anan, kabuhi kag pagkabutang nga madula bangud sa baha.
Nakaupod man namon kaina sa sinapol sanday 1st District Congressman Tawi Billones kag Uswag Ilonggo Congressman Jojo Ang nga nagasuporta man sa flood control project.
-MAYOR RONNIE DADIVAS
© 2023 All rights reserved