Umpisa sang kita nag-atubang sa pandemya tubtob sa aton pagbangon, nangin kaupod naton ang mga BHW’s sa 47 ka kabarangayan sa Roxas City.
Subong nga paskwa, tion naman agud aton liwat ipabatyag ang pagkilala kag pagpasalamat sa ila mga nangin sakripisyo kag bulig agud mapaabot naton ang serbisyo sa pumoluyo. Sila nga ginakabig naton Modern Day Heroes.
Kahapon, gintugyan na namon sa 1,467 ka Barangay Health Workers ang ila tig-2,000 pesos nga honoraria. Kabay nga bisan sining simple nga pamaagi mapasadya naton ang ila paskwa.
