May yara na sang bag-o nga OIC-Chief of Police ang Roxas City Police Station. Si PLTCOL Francisco D. Paguia amo ang magabulos kay PLTCOL Aron D. Palomo.
Kaina, sa ginhiwat nga Turn-over of Command Ceremony sa Camp Teodorico Apil sa pagpanguna ni Capiz Police Provincial Office Acting Provincial Director PCOL Jerome Afuyog Jr. aton gin-abi-abi si Paquia kag ginpasalig ang suporta sang City Government sa Roxas City PNP.
Nagapati ako nga sa liderato ni PLTCOL Paguia magapabilin ang maayo nga partnership sang Roxas City Government kag kapulisan sa pagmentinar sang kalinong kag katawhay.
Akon man ginpasalamatan si PLTCOL Palomo sa iya nangin serbisyo sa Roxasnon kag kontribusyon sa mga programa sang syudad sa sulod sang isa ka tuig kag walo ka bulan.
-MAYOR RONNIE DADIVAS
