Malipayon nga pag-abot sa Roxas National Commission of Senior Citizens (NCSC) Commissioner Reymar Mansilungan kag Commissioner Rainier Cruz III.
Sanday Commissioner Mansilungan kag Commisioner Cruz nagtambong sa isa ka Consultative Meeting kaupod ang mga Presidente sang Senior Citizens sa 47 ka kabarangayan sa Roxas City subong nga aga sa City Hall.
Kahigayunan ini agud mapaabot naton kag sang FSCAP ang concerns sang aton mga katigulangan. Nagapanguna diri ang pagpataas kuntani sang numero sang benepesaryo sang Social Pension sa Roxas bangud sa masobra 13,000 ka indigent senior citizens, masulusobra lang sa 3,000 ang nakasulod sa programa. May Senior Citizens Data Form sila nga ginapa-fill-up sa tanan nga seniors para sa profiling sang mga katigulangan. Bululigan namon ini nga matapos kag mapasa kay ginalauman naton nga makabulig ini agud makita sa nasyunal ang kinahanglanon nga madugangan ang SOCPEN beneficiaries sa syudad kag iban pa nga benepisyo nga pwede mabaton.
