Nag-meeting kami liwat sang mga representante sang CareHealth Plus Systems International nga sanday Mr. Rayan Marty kag Dr. Munich Conlu kaupod ang City Health Office kag Legal Officer Atty. Antonio Bisnar.
Para ini sa pagplastar sang Memorandum of Agreement ukon kasugtanan sa tunga sang City Government kag CareHealth may kaangtanan sa ginaplano nga pag-establisar sang Roxas City Laboratory and Diagnostic Center nga may kumpleto sa pasilidad kapareho sang CT Scan, Ultrasound, Mobile X-ray kag iban pa nga kagamitan.
Kon matigayon na , ini nga Public Private Partnership magapaayo sang aton health facilities and services sa syudad nga mangin bentaha gid sa aton pumoluyo labi na sa mga indigent nga pasyenti nga nagadangup sa City Health Office.
