Isa ka Emergency Meeting ang ginpatigayon subong nga hapon kaupod ang mga Barangay Kapitanes kag Chairperson sa Committee on Health kag representante sang Meat Vendors Association para pasangkaron ang kampanya sa paglikaw kag pagkontrol sa paglapta sang ASF. Ginpangunahan ni CGADH Ronald Amigo ang meeting upod ang City Agricultures Office subongman City kag Provincial Veterinarians Office.
Kinahanglan naton ang kooperasyon sang barangay officials paagi sa pag-activate sang ASF Surveillance, Monitoring kag insigida nga pagreport kon may nagamasakit nga baboy.
Kabahin sa aton polisiya nga igapatuman ang pagtugot lang sa pagbaligya sang karne sang baboy nga may tatak sang Slaughter House kag may Meat Inspection Certificate. Ang baligya nga wala sini partikular sa mga talipapa pagakumpiskaron sang barangay, pag-require sang Certification sang Barangay sa mga meat traders kon diin halin ang ila baboy, pagbutang sang 5PM cut off sa pagdala sang baboy sa Slaughter House kag iban pa.
