Sa isa ka tumalagsahon nga kahigayunan nagtipon ang masobra 90 ka mga potensyal nga investors sa Pilipinas kag iban nga pungsod sa ginhiwat nga Capiztahan Investors Forum nga gin-organisar sang Capiz Provincial Government sa pagpamuno ni Governor Fredenil “Oto” Castro.
Naghatag ini opurtunidad sa Roxas City kag Capiz nga mapaabot ang aton mainit nga imbitasyon sa ila nga mag-invest na bangud handa na kita sa pag-welcome sa ila bilang aton kapartner sa progreso.
Kabahin sa madamo nga ginatanyag sang syudad kag probinsya ang potensyal naton sa mga big ticket projects nga nagahulat lang nga madiskubre nila sa patag sang sustainable and renewable energy kapareho sang hydro, solar, windpower, agricultural kag aquacultural. Kalakip man sa aton gid ginpresentar sa ila amo ang aton plano nga Roxas City Terminal Exchange, Roxas City Dry Pac, IT BPO industry kag madamo pa nga magahatag katumanan sa aton handum para sa BIGGER, BETTER and BRIGHTER Roxas City.
