Nagaawas ang kalipay sang taga-Libas kag Barra kay ang bugas nga libre, ara na. May konsumo na asta sa masunod nga senimana ang masobra 1700 ka pamilya sa Libas kag masobra 800 ka pamilya sang Barra agud makapiyan-piyan sa halit sang red tide sa ila pangabuy-anan.
“Ari na ang grasya! Pasalamat gid ko ya nga may 15-kilos nga bugas na. Pila ka adlaw na kami nagakonsumisyon kay wala inugbakal bugas. Grabe ang Red tide nagbinalik-balik,” siling sang taga – Barra.
