Nagtambong kita sa ginpatawag nga Provincial Development Council Meeting ni Capiz Governor Fredenil Oto Castro upod ang mga alkalde kag representante sang kabanwahanan subongman NGO’s kag Civil Society Groups.
Diri gintalakay kag gin-aprubahan sang PDC ang Annual Investment Program sang probinsya para sa tuig 2024 tubtob 2025 nga naglab-ot sang kapin 10.4 bilyunes pesos nga magagikan sa local fund kag external sources subongman ang Provincial Investment Program sa tuig 2023-2025.
Ako nagapasalamat gid kay Governor Oto Castro sa paghamtang sang proyekto sa pila ka kabarangayan sa Roxas City nga napaidalum sa Supplemental AIP sang Capiz sini nga 2023. Kalakip diri ang konstruksyon sang Multi-Purpose Hall sa Gabuan, Drainage sa Barangay 7, Day Care Center sa Loctugan kag Covered Gym sa Libas. Kabahin man ang Roxas City sa programa sang probinsya nga pagtinlo kag pagkutkot sa naganabaw nga kasubaan kag creek kag pagpakaayo sang pila ka dalanon.
-MAYOR RONNIE DADIVAS
