Ang mga katapo sang Department of Interior and Local Government (DILG) Regional Office 6 kaupod ang DICT kag Anti-Red tape Authority Regional Field Office VI (ARTA-RFO) nagpatigayon sang Evaluation kag Audit sa operasyon sang Ease of Doing Business (EODB) sa Roxas City Goverment.
Ila gin-usisa kon insakto nga ginapatuman sang mga talatapan sa City Hall ang nakasaad sa Republic Act (RA) 11032 ukon ang Ease of Doing Business (EODB) Law partikular ang pagpahamtang sang Anti-Red Tape Authority. Tinutuyo sini nga mangin madasig ang pagproseso sang mga transaksyon sa kada opisina kag paghatag serbisyo agud malikawan ang korapsyon.
Kabahin sa evaluation and Audit team sanday Josephine Vens D. Castillo sang ARTA-RFO Region VI , Sefaniah Gabrielle M. Roldan, Gizel Padilla kag Jiselle Yanson sang DILG Region VI , Rafhael Ramar M. Benasa and team sang DICT R6.
