Subong nga hapon guinsabat ni Mayor Ronnie Dadivas kaupod sanday City Administrator Love Usison kag CSWD Program Officer Persy Cordova ang pila ka pagpatalang nga isyu nga guinapalapta sang pila ka indibidwal natuhoy sa bugas nga aton guinapanagtag.
SA ISYU NGA 150 LANG KUNO ANG PRESYO SANG KADA SAKO SANG BUGAS.
INDI SAKTO! Sa diin ka makakita sang 150 pesos nga sako sang bugas? P1,250 pesos ang presyo sa kada 50-kilo sako sang bugas nga guinabakal naton sa NFA. Ini dekalidad, locally milled rice kag pinakabarato na. Ini halin sa aton mga mangunguma mismo sa probinsya sang Capiz.
SA ISYU NGA 15,000 PA LANG ANG BUGAS NGA NABAKAL KAG NAPANAGTAG.
TAMA KAY MAY PLANO! Kita magabakal naman sang 17,146 pa ka 50-kilo sako nga nagabalor sang kabug-usan nga P21,432,500. Ini ipanagtag sa 45,269 ka pamilya sa bulan sang Setyembre kag Oktubre.
SA DIIN GAMITON ANG APRUBADO NA NGA 35M BUDGET? Kita nagpangayo sang 35 million nga supplemental budget.
Para ini sa pagabaklon naton nga 28,000 50-kilo ka sako sang bugas katumbas sang 140,000 ka tig-10 kilos nga aton igapanagtag sa aton mga kasimanwa sa bulan sang Nobyembre kag Disyembre.
Subongman, tungod advance kita mag isip, indi kita gusto ma delay ang distribusyon sa Enero 2022 gani guindala na ini naton sa budget.
“Sa liwat, ako nagapasalig nga wala makapauntat sa distribusyon sang Bugas. Importante sa akon nga wala GUTOM sa Roxas City.”
-MAYOR RONNIE DADIVAS