Aton guinapamatian ang inyo panawagan nga unahon na pagpakay-o sa atop sang merkado samtang guinaprokurar ang konstruksyon sang daku kag kumprehensibo nga Market Redevelopment Plan sa TATC.
Bangud masobra 40 anyos na ang merkado, madamo na nga bagyo ang nag-agi kag wala ini makaagi repair. Daku guid ang aton kalay-uhon kag kinahanglan malawig nga oras ang patigayunon nga konstruksyon.
Gani samtang guinapreparar na ang kinahanglanon para sa handum naton tanan nga pagpanami sa kabug-usan nga TATC Building unahon ta na kay-uhon ang atop partikular ang yara sa fish section agud indi kamo magpenitensya. Guinasiguro ko sa inyo nga sa guihapon, nagakasantu ini sa desinyo sang guinaplano na nga 2-storey Market nga aton na guinasakuan ang implementasyon.