Sang nagligad nga Biyernes, tatlo ka pamilya ang nasunugan sang ila nga puluy-an sa Barangay Bolo kag temporaryo nga naga-istar subong sa evacuation center. Kaupod ang DSWD kag CSWD sila ginkadtuan sang akon tiayon nga si Joanne nga nagrepresentar sa akon dala ang bulig-pinansyal kag food packs para sa pamilya sang mga biktima nga sanday Esperidion, Celeste kag Michelle De Juan. Dala man sang DSWD ang hygiene, sleeping kag kitchen kits.
“Salamat gid Mayor Ronnie kay wala mo kami ginakalimtan kag madasig nga bulig sa amon. Nagaproblema gid ako kon paano na kami makaumpisa bangud bag-o lang ako anak. Ang imo ginpadala nga bulig bisan paano maka piyan-piyan sa amon palaligban,” sunu kay Michelle De Juan.
