Amon gin-inspeksyon subong nga adlaw ang Tanza Ville Housing nga ginapreparar naton nga mangin relocation site sang mga nasunugan sa Barangay 7.
Umpisa kahapon sang hapon matapos ang sunog insigida nga gin-inspeksyon sang aton City Engineers Office kag Electrical Division ang mga housing units agud mahibaluan ang mga kinahanglan obrahon. Aga pa kaina kaupod ang CAPELCO nagsugod na sila sa pagtakod sang linya sang kuryenti kag metro sa mga units.
Tinguhaan naton nga sa labing-madali nga panahon maplastar na ang ila ilistaran agud indi sila magdugay sa pagtinir sa evacuation center.
