Turn-over Ceremony of Tanzaville Housing Units to Fire Victims of Barangay 7
Sang Pebrero 27, 103 ka pamilya ang nadulaan sang puluy-an sa Barangay 7. Sa 15 minutos nga sunog, ang tanan nila nga tinimakasan ginlamon sang kalayo. Sa masubo nga palad, may duha pa ka nadulaan sang kabuhi.
Sa sulod lang sang isa ka semana, sila amat-amat na nga naka-BANGON kag puno na sang paglaum bangud sa pagbuligay naton. Subong nga adlaw nakasaylo na sila sa ila bag-o nga puluy-an sa Tanzaville.
Ang ila tagsa ka housing units pormal naton nga gintugyan kaupod si USWAG Ilonggo Cong. Jojo Ang, ang aton kasimanwa nga si Paolo Roxas, VG Mitang Magbanua, VM Inday Teresa Almalbis kag mga konsehales, Kap Nilo Diestro kag Kapitan Rolando Ignacio.
Ginbaton man sang mga benepesaryo ang dugang nga bulig-pinansyal halin sa Roxas City Government, House Speaker Martin Romualdez kag Senator Loren Legarda nga ginrepresentar ni Cong Jojo Ang kag DSWD Secretary Rex Gatchalian nga ginrepresentar ni Paolo.
Sa tanan nga naghatag sang bulig sa mga biktima, gamay man ukon dako luyag ko ipaabot ang hantup nga pagpasalamat sa inyo. Naapresyar kag wala ko ginlauman ang ang inyo pag-Bayanihan para sa Barangay 7.
Matuod gid nga kon kita nagabuligay, anuman nga tilaw aton malampuwasan.
