Madugay na naton ginahandum kag amat-amat nga ginahatagan katumanan ang pagpalapad sang aton merkado. Isa gid ka welcome development ang pagsulod sa isa ka partnership sang Roxas City Government kag Royal Novo Greenland Realty Corporation nga magatukod sang Department Store kag Shopping Center sa TATC.
Kaina ginpatigayon ang Groundbreaking sang 2-storey Novo Department Store and Commercial Center kaupod ang tag-iya sang Novo nga si Ms. Rosario Q. Co, ang iya anak nga si Mr. Justin Co, Legal Officer Atty. Melita S. Recto, Construction Head Mr. Conrado Cayanan kag Engr. Reymart Lectana.
Nag-upod man sa aton sa Groundbreaking sanday Vice Mayor Inday Teresa Almalbis kag mga konsehales, City Administrator Love Usison, City Legal Officer Atty. Antonio Bisnar, City Engineer Antonio Amoroso, Market Administrator Heloise Mendoza kag iban pa.
Ang Novo amo ang pinakauna sa mga private sector nga nakalinyada nga magsulod sa partnership agreement sa City Government.
Ginapanan-aw naton nga ini nga proyekto makabulig sa pagpasanyog pa gid sang aton ekonomiya. Ini nga PPP Project isa ka win-win situation indi lang sa negosyo sang pribado nga sektor kundi labi sa tanan sa interes sang kada Roxasnon.
