Kita nagapabugal gid nga isa sa mga nangin Presidente sang Pilipinas ang aton kasimanwa nga si Presidente Manuel Acuña Roxas nga may daku nga papel sa pagbangon sang aton pungsod pagkatapos sang giyera.
Ginpasar sang Sangguniang Panlalawigan ang Roxas Legacy Integration Ordinance nga gin-author ni Board Member Thea Reyes agud mabutang sa curriculum sang DepEd Capiz ang pagtudlo sa mga Elementary kag High School Students sang kabuhi kag legasiya ni President Manuel Roxas.
Nagpaidalum kaina sa orientation ang Araling Panlipunan Teachers sang Roxas City kag kabanwahanan sa 1st District kag 2nd District sa pag-facilitate ni City Tourism Officer Mr. Bryan Argos.
Nagtambong diri ang anak ni anay Senator Mar Roxas nga si Paolo Roxas agud ipaabot ang iya pagpasalamat sa pamunuan sang DepEd Roxas kag Capiz Division kag tanan nga yara sa likod sang Roxas Legacy Integration.
Aton gid ginasuportahan ini nga inisyatibo. Kita nagpain man sang pondo sa Local School Board para sa Roxas Legacy Project Learning Package nga gintugyan sa mga manunudlo.
