Akon gid ginapanginbulahan ang mga opisyales kag miyembro sang Circle K International sang Capiz State University sa pagpanguna sang ila Presidente, Ms. Nicole Rose Bernales nga nagsumpa subong sa ginhiwat nga Chartering Ceremony and Installation of Officers sa Kapis Mansions.
Ang mangin katapo sini nga organisasyon nga student-arm sang Kiwanis mangin mapinuslanon agud mapasangkad ang ila ihibalo, disiplina, responsibidad sa isigkatawo, leadership kag pagpaniid sa realidad sang kabuhi. Bisan sila pamatan-on pa lang may ara na sila sang maayo nga kontribusyon sa komunidad.
Ako nagapasalamat sa tanan nga katapo sang Kiwanis labi na kay Tito Joaquin Toto Dumagpi bangud sila nangin maayon nga inspirasyon sa aton kay sa ila pribado nga kapasidad nakabulig sila sa aton kasimanwa.
-MAYOR RONNIE DADIVAS
